سوزان تهاجم مقلدي رقصة «كيكي»

انتقدت الفنانة السورية سوزان نجم الدين الفنانين الذين قاموا بأداء رقصة «كيكي» الرائجة حاليا، ونشرت على حسابها عبر «انستغرام» مقطع الفيديو التمثيلي الذي تتعرض فيه فتاة لحادث مروع أثناء تقليدها الرقصة.

وأرفقت سوزان الفيديو بتعليق ناري جاء فيه: «استفزني هذا الفيديو كتير حتى لو ما كان حقيقي، واللي استفزني أكتر الناس اللي تقلده!».

وأضافت: «هذا اسمه جنان، ما بعرف شو عم بصير بالعالم، ولوين واصلين بتفكيرن؟! معقول أي شي بيطلع موضة نقلدوا بدون ما نعرف مدى خطورته علينا وعلى المجتمع؟».

وتابعت: «شو هالرسالة الفنية الإنسانية الثقافية العظيمة ياللي عم تقدموها من خلال تبنيكن لفكرة غلط بكل المقاييس؟! المفروض نحنا فنانين وقدوة للمجتمع وما نشجع عالغلط أبدا شو ما كانت المغريات».

وختمت: «حتى لو كان هالفيديو فوتوشوب ومو حقيقي، بس أكيد الفكرة والفنانين اللي نفذوها كانوا حقيقيين»